هام وحصري :
كيفية شراء هاتف جديد :
هنتكلم ببساطه انهارده للناس الي عاوزه تجيب اجهزه جديده وخصوصا بعد انتشار الاجهزه التجميع والكلام دا كله وهنحكي ف الموضوع بالتفصيل .
مبدئيا هنتكلم عن الضمان :
ناس كتير بتتلخبط ف الموضوع دا .
نبتدي بالضمان المحلي :
ودا بيكون انك بتشتري الهاتف من الوكيل بيكون معه شهاده ضمان مختومه لمدة عام .
وهو هو نفس الهاتف ممكن تشتريه من محل بره وضمان محلي وهيقل ف السعر تقريبا من 100 ل 200 جنيه .
تقولي هل كدا مضروب ؟
اقولك لا هو هو نفس الهاتف لو جيت بصيت ف فاتوره موبايل شوب هتلاقيه ضايفلك 10 % ضريبه ليه هو من غير اي 30 لازمه .
ف اذا الصح انك تشتري من محل يكون مضمون ف محافظتك احسن من انك تشتري من التوكيل . هتوفر تقريبا 200 ج ف الموبايل وبرضو بيكون معاه شهاده ضمان عام .
نيجي بقي للضمان الدولي :
ناس كتير بتسال اي هو الضمان الدولي . اقولك انا :
هو بكل بساطه ان التليفون دا جاي من برا من دوله عربيه او اجنبيه بضمانهم هما وليس له ضمان ف مصر وبيكون سعره ارخص من الضمان المحلي وبيكون هو هو نفس الهاتف ولكن هتلاقي منه نسخ ال 4g زي ال note 3 4g n9005 التليفون دا منزلش محلي كله جايبه دولي وانه افضل من النسخه ال نزلت محلي ال 3g بالف مره .
وانا عن نفسي بفضل الدولي لان مراكز صيانة الوكيل ف مصر من اوسخ ما يكون من سياسه قذره وتلبيس ف الزبون وركن واستهبال.
والضامن ربنا طبعا .
بعد انتشار الهواتف التجميع الي هيا بتكون قطع غيار ومتركبه ومتقفله وبتتباع كانها دولي .
يبقي لما تيجي تشتري موبايل من اي محل تدور علي محل مضمون ولازم تاخد منه فاتوره ودي اهم حاجه وتروح ماسك الهاتف وتدوس *#06#
هيظهرلك السيريال بتاع الهاتف
تروح فاتح موقع imei.info وتدخل السيريال وتكشف عليه هيجبلك الهاتف بتاعك بكل حاجه عنه بتاريخ الصنع واللون والامكانيات والموديل وهكذا .
او تطلع علي فرع من فروع التوكيل وتخليه يكشفلك علي الجهاز .
نيجي بقي بالنسبه للهواتف المناسبه في الفئات السعريه المختلفه :
بالنسبه ل 1000 ج :
قدامك infinix hot و lenovo a5000 هيكونو دول اختيارك الامثل .
بالنسبه ل 1500 ج :
هاتفك الامثل وبدون منازع : Huwawi g play mini
بالنسبه ل 1800 ل 2500 :
قدامك الاختيارات دي
Huwawi p8 lite . 4x . Honor 6 . Samsung E7
Lenovo p7 .
بالنسبه ل 3000 ج :
الامثل والافضل بدون مقارنه ف هو العملاق
Sony xperia z2
سعره دولي 2900 . محلي 3250
وبرضو ف الرينج دا نلاقي Huwawi Mate 7 برضو موبايل محترم
وال Lg g3 32 Gb برضو شغال .
بس انا عن نفسي ميال لل z2 ويعتبر افضل اختيار ف السعر دا .
نيجي ل 3500 برضو معانا هاتف ممتاز وهو Note 3 4g N9005 وخد بالك من كلامي بقولك النسخه ال 4g مش ال 3g وهتجيبه دولي ودا افضل حاجه ف السعر دا .
نيجي ل 4000 ج :
اكيد مش هيكون قدامك حاجه افضل من العملاق Note 4 N910c
دولي عامل تقريبا 4150 ل 4250 .
لو معاك 4500 تجيب s6 من موقع سوق.كوم نازل عليها عرض ضمان محلي ب 4550 .
وبكدا تقريبا انا دمجتلك ازاي تجيب موبايل جديد وفهمت انواع الضمان وهكذا وجمعتلك افضل اجهزه ف الفئات السعريه المختلفه .
الإبتساماتإخفاء الإبتسامات